gigisunny’s Blog

在米芝蓮見到new york fries, 我這個薯仔粉絲, 決心要去會一會。上星期六, 上八月居找larry哥哥(第一天接洽我們的經理哥哥, 現在變成朋友仔), 因為313他在八月居結婚了, 我們買來一份貼心禮物送給他, 其實很想被邀請去飲, 因為當晚我沒有吃過什麼, 親戚好友說那晚的蟹肉翅多好吃, 甜點多好味, 我統統沒吃過。

送過禮後, 便去港威的ny fries, 嘩嘩嘩!! 薯條混入芝士醬、sour cream cheese、香蔥粒、煙肉粒, 好味到…..呢……, 吃過後3小時口入面都有那香蔥薯條味, 雖未到最極品, 但我已很滿足。

接著, 我們就有一個創業大計。

我要開一間薯仔專門食店!!! 我覺得係有得做嫁, 拿, 薯仔係老少皆宜既, 又好味, 又簡單, 又健康, 又容易攜帶(外賣), 西貢都無薯仔專門店, 西貢有西人, 星期六日有一家人, 有拍拖人, 咁黎玩就梗係要食, 你見唔見長洲有一檔賣一串很長很長的炸薯串, 我見佢由早上11時到晚上九時, 都係大排長龍的, 仲有, 我地走地道溫馨路線, 全家總動員, 做幾項特色薯仔製作, 店名都諗好, 叫「薯薯貢」!!!! 哈哈哈哈!! 仲有, 有一隻薯薯貢舞, 有幾隻figure大公仔放在店前, 係4粒大薯仔, 兩粒大兩粒細 做薯薯貢薯薯貢既動作, 哈哈, 仲有, 顧客點我地既招牌菜「薯薯貢」,要做那個薯薯貢動作, 哈哈, 仲有, 兒童餐叫「柯薯薯」, 阿b呀, 你想食咩野? 「我要柯薯薯」, 好, 一個柯薯薯, 唔係, 前後兩個柯薯薯!!!  你話係咪有「堅覓」先!!!???? 仲有仲有, 普通既薯條, 分兩類, 叫「直薯」同「luen薯」(曲曲薯條), 你係直同luen有咩所謂, 最緊要係食得好味!!! 

我地會為此努力, 努力工作儲錢, 第時小朋友又可以出去幫手, 見多d人, 同人傾下計, 又學下野, 一家人加油努力, 幾好呀!!!