給摯友林正

January 27, 2009, 3:49 pm
Filed under: 企嶺下時光

留下這個新婚blog有一些日子, 看罷好友正的新blog, 突然又給激發起一些感覺….是的,要寫的便寫下來, 不要多想。

看見你和我當年上庄的campaign照, 很懷念當年的日子….雖然很很辛苦, 那些開通頂也開不完的會, 那些唔知佢問黎有咩意義既問題, 那些只係為插死你而得到高潮的人們, 那些民建聯派來的對庄, 還有不大爭氣既會長… 而我們, 外務的, 大多都被看成「外來的激烈反動人士」, 我還記得第一次見你是在su房一角的sofa, 是上庄拉埋大家互相認識的, 最有印象是你著了黑色絲襪+深色短裙子, 點解咁有印象?因為覺得你好「靚妹」囉, 同埋短裙仔, 活活潑潑咁,又幾靚女下, 黎玩咋ma, year 1 比上庄扼上黎呀ma, 當時就係咁諗…隨後, 當然對你刮目相看,原來你係有理念而入黎既, 仲有好多好多既衝勁, 雖然那時的你, 是有些年少氣盛的懶淡定, 掛在口唇的是「得啦得啦, 唔駛咁緊張喎…」還記得和你兩條友通頂整64特刊嗎?咁你又真係最後攪得掂的…. 這些日子, 說來很辛酸, 但永遠都會記得的…. 那天在我家, 和你說起結婚的種種, 看見你落淚了… 那刻…是很頂唔順的, 感動你感受到我所感受的, 感動有你這個好朋友, 會為我而高興得落淚, 但很心傷的…心傷自己還是沒有認認真真的告訴你, 以為你種種種種…以為你如我加拿大的朋友一樣, 從這裡知道了, 而最最衰的, 是我低估了這些令你感到的遺憾感…… 我答應, 有一天, 當我發現自己有bb時, 你會是第一個朋友知道的!!! 我更要你與我經歷這些神奇的時光… i promise!!!!!!!

gigisunny’s Blog

Categories

Archives

Links

Leave a comment